वडासरकार बस्तीमा झर्दै – किसानलाई तरकारी बीउ वितरण गर्दै
64x64
२०७९ भाद्र २५ शनिबार प्रेसपालिका संवाददाता
153 Views

रुकुम पश्चिम २५, भदौ ।
रुकुम पश्चिमको मुसीकोट नगरपालिका वडानम्बर -५, ले वडाका बस्ती-बस्तीमा पुगेर तरकारी बीउ वितरण गर्न थालेको छ ।  किसानको माग र वडाको वार्षिक कार्यक्रम अनुरुप वडासरकारले  ५ नम्बर वडाका विभिन्न बस्तीमा पुगेर ताजा तरकारीको बीउबिजन वितरण गर्न लागेको हो ।

वडाअध्यक्ष समीरजङ्ग मल्लका अनुसार आज मात्रै वडानम्बर -५ को  थर्पु, डाङ्गडुङ्गे, घोयलपानी, ज्यामिनडाँडा र कोलटाकुरा बस्तीमा पुगेर ताजा तरकारी बीऊ वितरण गरिएको छ ।

अन्य किसानका लागि भने आइतबार देखि वडा कार्यालयबाट तरकारी बीउ वितरण गरिने भएको छ । त्यसका लागि  बागबजार, पाखाडेरा, गैरीगाउँ, नयाँबस्ती, सेरीगाउँ र कुनावाङ्ग लगायत बस्ती रहेको  वडाअध्यक्ष मल्लको भनाइ छ ।

यदि किसानले बस्तीमै तरकारीको बीउ माग गरेको खण्डमा पुनः वडापालिकाले किसानको बस्तीमै पुगेर बीउबिजन वितरण गर्ने जनाएको छ । यसबाट ५ नम्बर वडाका किसानलाई वडाकार्यालयमा धाउनुपर्ने छैन ।

Subscribe
Notify of
guest
0 Comments
Inline Feedbacks
View all comments

Flash News