सत्य बटाला
रुकुम पश्चिम १५, असोज ।
रुकुम पश्चिमको आठबिसकोट नगरपालिका वडानम्बर -८, मा २४ औं भाद्र पूर्णिमा मेलाको अवसरमा आयाेजित खुला ब्याडमिन्टन प्रतियोगितामा नवराज मल्ल र प्रकाश शाहीकाे जाेडी पहिलो भएकाे छ । वडाको दाजे खेल मैदानमा भएकाे फाइनल खेलमा सन्देश बिक र बिजय शाहीको जाेडीलाई २-० काे सेटमा पराजित गर्दै नवराज र प्रकाशको जाेडी पहिलो भएकाे हाे ।
रबि केसी र तिलक चन्द तथा बिजय बोहरा र नवीन बोहोराको जाेडी सान्त्वना भएको छ मेला आयोजक समितिले बताएको छ । भाद्र पूर्णिमा मेला मूल आयोजक समितिले आयोजना गरेकाे प्रतियाेगितामा पुरूष तर्फ १२ जाेडी को सहभागीता रहेको थियो ।
उक्त खेलमा खेलाडीलाई प्रथम पुरुस्कार २० हजार नगद, मेडल र कप तथा दोस्रो हुने टिमलाई १५ हजार नगद, मेडल र कप प्रदान गरिने मेला आयोजक समितिका अध्यक्ष मनोज चदाराले जानकारी दिनुभएको छ ।
मेलामा पुरुष र महिला भलिबल प्रतियोगिता आयोजना गरिएको छ । सो खेल जारी रहेको छ ।
