रुकुम पश्चिम ११, असार ।
रुकुम पश्चिमको मुसिकोटमा खुला पुरुष बिच भलिबल प्रतियोगिता हुने भएको छ । वडानम्बर -४, को शितल पोखरीमा असार २० देखि २३ गतेसम्म बिच भलिबल प्रतियोगिता गर्न लागिएको हो ।
पश्चिम रुकुम बिच भलिबलका अनुसार प्रतियोगितामा प्रथम हुनेले २० हजार नगद, कप, मेडल र प्रमाणपत्र पाउने भएको छ । दोस्रो हुनेले १० हजार नगद, कप, मेडल र प्रमाणपत्र तथा प्रतियोगितामा तेस्रो हुनेले ५ हजार नगद, कप, मेडल र प्रमाणपत्र प्राप्त गर्ने छन् ।
त्यस्तै वेस्ट डिफेन्डर र वेस्ट फिन्डिङले समान २/२ हजार प्राप्त गर्ने छन् । प्रतियोगितामा सहभागी हुने टिमले असार १९ गते बेलुकी ५ बजे सम्म टिम दर्ता गर्नुपर्ने छ । दर्ता शुल्क दुई हजार रहेको आयोजकले बताएको छ ।
“स्वास्थ्यका लागि खेलकुद, राष्ट्रका लागि खेलकुद” भन्ने मुल नाराका साथ आयोजना गरिने प्रतियोगितामा राष्ट्रिय खेलाडीले भाग लिन नपाउने आयोजक टिमका संयोजक गोपाल मगरको भनाइ छ ।
