सर्वाधिक पुरस्कार राशिको “रुकुम कप” भलिबल सुरु
64x64
२०८० बैसाख १९ मंगलबार प्रेसपालिका संवाददाता
995 Views

रुकुम पश्चिम १९, बैशाख ।
रुकुम पश्चिमको मुसिकोट नगरपालिका -१, बराहटाकुरामा आजदेखि सर्वाधिक पुरस्कार राशिको रुकुम कप भलिबल सुरु भएको छ । रुकुम भलिबल प्रशिक्षण केन्द्र रुकुम पश्चिमको आयोजनामा प्रतियोगिता सुरु भएको हो ।

प्रतियोगिताको आज मुसिकोट नगरपालिकाका प्रमुख महेन्द्र केसीले एक औपचारिक कार्यक्रमका बीच उद्घाटन गर्नुभएको छ । प्रतियोगितामा १० वटा टिमको सहभागिता रहेको छ । विभागीय टिम  सशस्त्र प्रहरी (एपिएफ), सर्खेत, सल्यान, रोल्पा, प्युठान र रुकुम पश्चिम रहेका छन् । प्रतियोगितामा रुकुम पश्चिमका मात्रै ६ वटा टिम रहेको आयोजकको भनाई छ ।

वैशाख २४ गतेसम्म संचालन हुने प्रतियोगितामा  विजेता हुने टिमले नगद ५ लाख रुपैंया पाउने छ । उपविजेताले २ लाख ५० हजार पाउँदा सेमिफाइनलमा पुग्ने दुई टिमले समान १/१ लाख नगद पुरस्कार पाउने छन् । त्यस्तै वेष्ट प्लेयरलाई १० हजार र अन्यलाई ५/५ हजार पुरस्कारको व्यवस्था गरिएको छ ।

प्रतियोगिता हेर्नका लागि १ सय रुपैयाँ शुल्क लाग्ने रुकुम पश्चिम भलिबल प्रशिक्षण केन्द्रका अध्यक्ष तेजबिक्रम बि.एम.ले जानकारी दिनुभएको छ ।

Subscribe
Notify of
guest
0 Comments
Inline Feedbacks
View all comments

Flash News