रुकुम पश्चिम २, बैशाख ।
रुकुम पश्चिम मुसिकोट नगरपालिका वडानम्बर -८, मा आयोजित भलिबल प्रतियोगिता तथा साँस्कृतिक कार्यक्रम सम्पन्न भएको छ । तीन बहिनी युवा क्लवले आयोजना गरेको खुला शुद्ध साबिकको वडास्तरीय पुरुष भलिबल प्रतियोगिता सम्पन्न भएको हो।
रुकुम पूर्व र रुकुम पश्चिमका विभिन्न वडाका टिमले प्रतिस्पर्धा गरेको भलिबल प्रतियोगितामा भुमे गाउँपालिका -९, को युवा मिलन समूह चुन्वाङ प्रथम भएको छ । प्रथम भएको चुन्वाङले नगद ३० हजार कप मेडल सहित प्रमाण पत्र प्राप्त गरेको छ ।
त्यस्तै दोस्रो स्थानमा चित्त बुझाएको सिस्ने गाउँपालिका -६, खोपिचारले नगद २० हजार मेडल सहित प्रमाण पत्र हात पार्दा मुसिकोट नगरपालिका -९, चौखावाङले तेस्रो हुँदै नगद १० हजार मेडल सहित प्रमाण पत्र प्राप्त गरेको छ ।
महिला तर्फ भने त्रिबेणी युवा क्लव भुमे गाउँपालिका -२, काँक्री रुकुम पुर्वले प्रथम हुँदै नगद १५ हजार कप मेडल सहित प्रमाण पत्र प्राप्त गरेको छ । भुमे गाउँपालिका -८, कुचिवाङले दोस्रो हुँदै नगद १० हजार मेडल र प्रमाण पत्र हात पार्दा सिस्ने गाउँपालिका -६, खोपिचारले तेस्रो हुँदै नगद ७ हजार मेडल सहित प्रमाण पत्र प्राप्त गरेको छ ।
प्रतियोगितामा पुरुष तर्फ २० समूह र महिला तर्फ ७ समुह बीच प्रतिस्पर्धा भएको थियो ।
त्यस्तै भाले रेस घैंटोफोर एकल नृत्य कुर्सी रेस रस्साकस्सी प्रतियोगिता पनि सञ्चालन भएको खेल संयोजक संघर्ष पुनले बताउनुभएको छ ।
