रुकुम पश्चिम २७, भदौ ।
आगामी महिना हुने नेपाल टी-२० लिगमा ९ देशका ३३ विदेशी खेलाडी आवद्ध भएका छन् ।
नेपाल क्रिकेट संघ (क्यान) ले ड्राफ्टमार्फत् तीन श्रेणीका खेलाडी आबद्ध गरेको हो ।
ड्राफ्टबाट पाकिस्तान, श्रीलंका, वेस्ट इन्डिज, अमेरिका, अस्ट्रेलिया, इंग्ल्यान्ड, भारत, अफगानिस्तान र मलेसियाका खेलाडी लिगमा आबद्ध भएका छन् ।
नेपाल टी-२० खेल्ने टिममा वेस्ट इन्डिजका कार्लोस ब्राथवेट, अस्ट्रेलियाका बेन कटिङ, श्रीलंकाका एन्जेलो म्याथ्यूज र पाकिस्तानका मोहमद हाफिज सहितका ३३ खेलाडी आबद्ध भएका छन् ।
मार्की र ए श्रेणीका खेलाडीलाई १५ लाख, बी श्रेणीका लागि १० लाख र सी श्रेणीका लागि ५ लाख रुपैयाँ तलब दिने क्यानले जनाएको छ।
यसअघि ड्राफ्टमा रहेका ९२ जना नेपाली खेलाडीबाट ६७ खेलाडी छनोट भैसकेका छन् ।
प्रतियोगिता आगामी असोज ८ गतेदेखि कात्तिक ५ सम्म नेपाल टी-२० लिग काठमाडौंमा हुँदैछ।
