पापिनि मेलाको अवसरमा मुसिकोट ७ साँखमा खेलकुद प्रतियोगिता हुने ।
64x64
२०७८ पुष २३ शुक्रबार प्रेसपालिका संवाददाता
666 Views

प्रेसपालिका सम्पादक :
परम्परागत रुपमा लाग्दै आएको पापीनि मेलाको अवसरमा मुसिकोट नगरपालिका वडा नम्बर ७ को ठुलिदह युवा क्लबले बिभिन्न खेलकुद कार्यक्रमको आयोजना गरेको छ । माघ १३ गते देखि १६ गते सम्म संचालन हुने गरि खेलकुद प्रतियोगिताको आयोजना गरेको क्लबले जनाएको छ । मेलाको अवसरमा खुला पुरष भलिबल,खुला पुरुष डबल व्याटमिन्टन लगाएतका सांस्कृतिक कार्यक्रमको आयोजना गरिएको छ । खेल क्षेत्रको बिकास तथा बिस्तार एवंम प्रतिभाशालि खेलाडि उत्पादन गर्ने उद्देश्य अनुरुप खेलकुद कार्यक्रमको आयोजना गरिएको क्लबका अध्यक्ष दिपेन्द्र बुढा मगर ले जानकारी दिनुभयो ।
प्रतियोगिताका खेलहरु अन्तराष्टिय भलिबल महासंघको नियममा रहि ठुलिदह युवा क्लबको प्राविधिक सहयोगमा खेलाईनेछ ।जुनसुकै स्तरको खेलाडिले पनि खेलमा सहभागिता जनाउने पाउने र एक टिममा खेलाडि संख्या १२ जना टिम प्रशिक्षक र टिम व्यवस्थापक सहित १४ जनाको उपस्तिथि हुनुपर्ने अध्यक्ष बुढाले बताउनुभयो । त्यस्तै खेलाडिहरु खेल खेल्दा अनिवार्य रुपमा अंकित जर्सि लगाउनु पर्नेछ ,प्रतियोगिता सूरु हुनु भन्दा अघिल्लो दिन टेक्निकल मिटिङ मा टिम कोच,टिम क्यापटेन,टिम म्यानेजर अनिवार्य रुपमा उपस्तिथ हुनुपर्ने आयोजकले बताएको छ ।
पुरुष भलिबलको प्रथम हुने टिमले एक लाख पाँच हजार सहित शिल्ड,मेडल र प्रमाण पत्र प्राप्त गर्दा द्धितिय हुने टिमले पैसठी हजार सहित शिल्ड,मेडल र प्रमाण पत्र प्राप्त गर्नेछ । तृतिय हुने टिमले तिस हजार सहित शिल्ड मेडल र प्रमाण पत्र पाउने अध्यक्ष बुढाले जानकारी दिनुभयो । उहाँका अनुसार अन्य प्रतियोगिताका विजेतालाई पनि पुरस्कारको व्यवस्था गरिएको छ । हरेक बर्ष माघ १३ गते देखि १६ गते सम्म मुसिकोट ७ साँख दहमा पापिनि मेला लाग्दै आईरहेको छ । खेलकुद प्रतियोगिताहरु १३ गते देखिनै सुरु भएपनि बिशेष मेला भने माघ १६ गते लाग्ने गर्दछ ।।

Subscribe
Notify of
guest
0 Comments
Inline Feedbacks
View all comments

Flash News