रुकुम पश्चिम २७, साउन ।
रुकुम पश्चिमको सानीभेरी गाउँपालिका ४ लामाचौरमा एक महिलाको हत्या आरोपमा प्रहरीले एक जनालाई पक्राउ गरेको छ । ४९ वर्षिय शुसिला मल्लको हत्या आरोपमा चौरजहारी नगरपालिका ११ निवासी २३ वर्षिय प्रेम मल्ललाई जिल्ला प्रहरी कार्यालय रुकुम पश्चिमले पक्राउ गरेको हो ।
साउन २२ गते राती सानीभेरी गाउँपालिका वडा नम्बर ४ लामाचौरकी ४९ बर्सिया सुशीला मल्लको हत्या भएको थियो । उनीहरूका बिचमा डेढ वर्षदेखि सम्बन्ध रहेको र महिलाले विवाहको लागि दबाब दिएपछि हत्या गरेको प्रेमले स्वीकारेको जिल्ला प्रहरी कार्यालय रुकुम पश्चिम का प्रमुख प्रहरी नायव उपरीक्षक नवराज पोखरेलले जानकारी दिनुभयो ।
प्रतिवादी मल्ललाई रुकुम जिल्ला अदालतबाट पाँच दिनको म्याद थप गरी थप अनुसन्धान सुरु गरिएको प्रहरीले जनाएको छ ।
