रुकुम पश्चिम २,माघ
रुकुम पश्चिमको सानीभेरी गाउपालिका वडा नम्बर ११ काफलबोटमा १ दिने निशुल्क स्वास्थ्य शिविर सम्पन्न भएको छ । अर्मा स्वास्थ्य चौकीको समन्वय तथा मानव बिकास तथा सामुदायिक सेवा अन्र्तगत मातृशिसु तथा बाल स्वास्थ्य प्रबद्धन परियोजना र चौरजहारी अस्पतालको आयोजनमा शिविर सम्पन्न भएको हो ।
शिविरबाट ७ सय ६५ जनाले निशुल्क स्वास्थ्य सेवा लिएको बतएको छ । शिविरमा रक्त समूह परीक्षण १ सय ६० जना¸ भिडियो एक्सरे २ सय ४५ जना¸ गर्भवती चेकजाँच ५२ जना¸पाठेघर खसेका १६ जना र अन्य स्वास्थ्य परीक्षण २ सय ९२ जना गरी जम्मा ७ सय ६५ जनाले सेवा लिएको मानव बिकास तथा सामुदायिक सेवा अन्र्तगत मातृशिसु तथा बाल स्वास्थ्य प्रबद्धन परियोजनाका परियोजना अधिकृत गोपाल तिमल्सिनाले जानकारी दिनुभयो ।
स्वास्थ्य शिविरमा थप उपचार गर्नुपर्ने बिरामीलाई चौरजहारी अस्पतालमा उपचार गर्ने सल्लाह दिइएको र १६ जना पाठेघर खसेका महिलाहरुलाई थप उपचारको लागि वडा कार्यालय र गाउँपालिकाको समन्वयमा विषेशज्ञ डाक्टर सहितको टोली बोलाएर उपचार गरिने सानीभेरी गाउपालिका वडा नम्बर ११ का वडा अध्यक्ष भुपालसिं वलीले बताउनु भयो ।
सानीभेरी गाउँपालिका अध्यक्ष विर्ख बहादुर विष्टले उद्धघाटन गर्नुभएको शिविरमा विषेशज्ञ डाक्टरहरु आषिश अधिकारी,सुमन राई,प्रवेश रेग्मी लगाएतको टोलीले सेवा दिएको बत्ताएको छ ।
