रुकुम पश्चिम २२, पुस ।
रुकुम पश्चिमको मुसिकोट नगरपालिकामा सरोकारवाला संग समन्वय तथा कृषक संवाद कार्यक्रम सम्पन्न भएको छ । पशु अस्पताल तथा पशु सेवा कार्यालय रुकुम पश्चिमको आयोजनामा सो कार्यक्रम सम्पन्न भएको हो ।
मुसिकोट नगरपालिका -५ को सहिद प्रतिष्ठान हल सेरीगाऊमा भएको कार्यक्रममा कृषकहरुले भोग्दै आएको विविध समस्याको सवालमा संवाद भएको पशु अस्पताल तथा पशु सेवा कार्यालयले बताएको छ । किसानहरूले बजारीकरणको समस्या सङ्गै कृषि अनुदानमा समानुपातिक वितरण नभएको, कृषि बिमा झन्झटिलो प्रक्रिया भएको लगायत समस्या राखेका थिए । सरोकारवाला निकायले भने किसानले उठाएका समस्याको हल गर्ने प्रतिबद्धता जनाएका छन् ।
मुसिकोट नगरपालिकाका नगर प्रमुख महेन्द्र केसीको अध्यक्षतामा सम्पन्न कार्यक्रममा ऊप-प्रमुख बिमल कुमार पुन, प्रमुख जिल्ला अधिकारी परमानन्द घिमिरे, जिल्ला प्रहरी प्रमुख बिष्णु प्रसाद सोती लगायत बिषयगत कार्यलयका प्रमुखहरुको उपस्थिति रहेको थियो ।
कार्यक्रमको सहजीकरण पत्रकार महेश केसीले गर्नुभएको थियो ।
