नगरका शिक्षक/शिक्षिकालाई आँखा स्वास्थ्य शिक्षा तालिम
64x64
२०७९ भाद्र २७ सोमबार प्रेसपालिका संवाददाता
195 Views

रुकुम पश्चिम २७, भदौ ।
रुकुम पश्चिमको चौरहजारी नगरपालिकाका शिक्षक/शिक्षिकालाई आँखा स्वास्थ्य शिक्षा सम्बन्धी तालिम दिईएको छ । नगरपालिका भित्रका सबै सामुदायिक विद्यालयमा कार्यरत शिक्षक/शिक्षिकालाई आँखा स्वास्थ्य शिक्षा सम्बन्धी तालिम दिईएको हो ।

एन.ए.वि.पि. नर्वेको आर्थिक सहयोग तथा चौरजहारी नगरपालिकाको समन्वयमा राप्ती आँखा अस्पताल तुलसीपुरले शिक्षकलाई तालिम दिएको आँखा उपचार केन्द्रका प्रमुख धनबहादुर खत्रीले जानकारी दिनुभयो । उहाँका अनुसार विद्यालयमा अध्ययनरत विद्यार्थीको आँखामा दृष्टि दोषका कारणले बाल अन्धोपनको समस्या नहोस भन्ने उदेश्यले तालिम आयोजना गरिएको हो ।

तालिमको सहजीकरण राप्ती आँखा अस्पताल तुलसीपुरका बाह्य कार्यक्रम संयोजक नेत्र अधिकृत शालिग्राम गौतम र आँखा उपचार केन्द्र सल्लेका प्रमुख धनबहादुर खत्रीले गर्नुभएको थियो ।

सो आँखा स्वास्थ्य शिक्षा सम्बन्धी तालिम नगरका ३७ विद्यालयका ४२ जना शिक्षकले लिएको बताईएको छ । राप्ती आँखा अस्पतालका प्रशासकीय अधिकृत किरण पौडेलको अध्यक्षतामा भएको कार्यक्रममा नगर प्रमुख पुष्प वादीको प्रमुख आतिथ्यता रहेको थियो ।

Subscribe
Notify of
guest
0 Comments
Inline Feedbacks
View all comments

Flash News