रुकुम पुर्व को सिस्ने गाउँपालीका २ नम्बर वडा को छिपखोलामा फोन नेटवर्क नहुुँदा फोन गर्न समस्या छ । फोन गर्न उच्च स्थान को खोजी गर्नुपर्छ स्थानीयहरुले बताएका छन् ।
आफु लाई काम पर्दा नेटवर्क दिने ठाउँ मा गएर फोन गर्न सकिन्छ तर अरुले फोन गर्न खोज्दा भने फोन नलाग्ने स्थानीय कुमार बुढाले जनकारि दिए । यहीँ कुरालाई ध्यनमा राखि सिस्ने गाउँपालिका वडा नम्बर ४ को दादिङ मा टावर निर्माण गरिएको भण्डै २ बर्ष भई सकेको छतर टावर सञ्चालनमा कहिले आउँछ ठ्याक्कै थाहा भने छैन ।
सम्बन्धित निकायलाई सोध्ने हो भने अब २/३ दिनमै सामान आइपुग्ने अनि टावर सुचारु हुने भन्दै सर्वसाधारण लाई झुक्याउदै आइएको छ । तर यो समस्या लाई समाधान गर्न भने कुनै पनि निकाय तत्पर देखिएको छैन । कहिलेकाही गाउँ घरमा केही घटना घट्यो भने त झन ठुलो समस्या नै उत्पन्न हुन्छ । कुनै खबर आदानप्रदान गर्न मान्छे नै घर घरमा जानुपर्ने बाध्यता छ ।
स्थानीय निर्वाचन भए लगत्तै सिस्ने सरकारले पनि गाउँ कार्यपालिका को पहिलो बैठकमा टावर सञ्चालन गर्न पहल गरिने छ भनि निर्णय नै गरिएको थियो ।
तर यो प्रक्रिया कहाँ सम्म पुग्यो स्थानीय हरुलाई थाहै छैन तर टावर को अवस्था भने जस्ताको त्यस्तै रहेको वडा नम्बर २ को स्थानीय मिलन पुन मगर ले बताउनु भएको छ ।
