रुकुम पश्चिमको चौरजहारी नगरपालिका ५ को आधारभुत विद्यालय लहरेसिमललाई पूर्व आर्थिक मामिला तथा योजना मन्त्री गोपाल शर्मा र पूर्व नगरप्रमुख विशाल शर्माले आफ्नी आमा कस्तुरा ढकालको ११ औं स्मृति दिवशको अवसरमा विद्यालयलाई सहयोग तथा फूलका विरुवा र फूल रोप्न गमला सहयोग गर्नुभएको छ ।

आफ्नी आमा कस्तुरा ढकालको ११ औं स्मृति दिवशको अवसर पारेर पुर्व मन्त्री तथा पुर्व नगर प्रमुखले विद्यालयमै गई गमला, फूलका विरुवा सहयोग गर्नुभएको थियाे । आमा स्मृतिमा फलफूलका विरुवा तथा गमला विद्यालयमा सहयोग गरिएको थियाे । २७ फूलका विरुवा र २७ गमला सहयोग गर्नुभएको विद्यालयले जनाएको छ । कक्षा १ देखि ८ सम्मका गरीब तथा जेहेन्दार ११ जना विद्यार्थीलाई छात्रवृत्ति प्रदान गरिएको छ । उत्कृष्ट २ जना शिक्षकलाई पुरस्कृत पनि गरिएको छ । कस्तुरा ढकाल स्मृति कोषबाट यो छात्रवृत्ति र हरेक वर्ष आमाको स्मृतिमा सोही विद्यालयमा कार्यक्रम गरेर विभिन्न खालको सहयोग गर्दै आउनुभएको छ । स्मृति सभामा नगरप्रमुख पुष्प वादी, उपप्रमुख इश्वरीकुमार विएम, निमित्त प्रमुख प्रशासकीय अधिकृत शेरप्रसाद ढकाल, नगर कार्यपालिका प्रवक्ता खुमबहादुर खड्का, लगायतको उपस्थिति रहेको थियो