योग माया रेउले, : सल्यान असार २२ ।
लागूपदार्थ र लागू औषध दुर्व्यसन विरुद्धको सम्बन्धी सचेतना कार्यक्रम सल्यानमा सम्पन्न भएको छ। जिल्लाको शारदा नगरपालीका वडा ४ रहेको महेन्द्र रत्न माध्यमिक विद्यालय पिपलनेटा र शारदा नगरपालीका वडा नंम्बर ८ मा रहेको त्री भुवन जनता माध्यमिक विद्यालय मार्केमा सचेतना कार्यक्रम सम्पन्न भएकाे हाे । नेपाल स्काउट कर्णाली प्रदेश कार्यालयको आयोजना र जिल्ला प्रहरी कार्यालय सल्यान र बास नेपाल जिल्ला शाखा सल्यानको सहकार्यमा सो कार्यक्रमा सम्पन्न भएको छ ।
कार्यक्रम सहभागी विद्यार्थी निर्मल विष्टले लागूपदार्थ भनेको के हो र लागूपदार्थ प्रयोग, उत्पादन , सेवन गर्दा र कानुनी सजायको बारेमा जानकारी लिएको बताए । उनले भने’ अब धेरै कुरा थाहा भयो , हाम्रो समाज, स्कूल र घरमा लागुपदार्थ र यसको कानुनी सजाएको बारेमा सबै लाई जानकारी दिने पनि ‘ विष्टले प्रतिबद्धता जनाए।
सचेतना कार्यक्रममा नेपाल स्काउटकी लागूपदार्थ दुर्व्यसन विरुद्धको सचेतना कार्यक्रम की प्रशिक्षक मेघा रेउलेले लागूपदार्थ भनेको के हो,यसमा कसरी फसिन्छ,यसको सेवनले शारिरिक, आर्थिक र समाजमा कस्तो ख्यालको असर गर्छ र यस बाट बच्ने उपायहरुको बारेमा प्रशिक्षण गराउनु भएको थियो ।
यस्तै जिल्ला प्रहरी कार्यालय सल्यानका प्रहरी सहायक निरीक्षक दिमुप लामिछानेले लागूपदार्थ प्रयोग गर्ने , यसको ओसार पसार गर्ने वा लागूपदार्थ उत्पादन तथा तथा बिक्री वितरण गरेमा नेपालको कानुनले कस्तो सजाय तोकेको छ भनेर जानकारी दिनु भयो ।
सचेतना कार्यक्रम २ वटा विद्यालयमा तीन सय भन्दा बढी विद्यार्थीको सहभागीता रहेको थियो । 
