रुकुम पश्चिमको त्रिवेणी गाऊपालिका २ को गैरीनेटामा सुनौलो हजार दिने बच्चाका आमाहरुलाई अण्डा वितरण संगै आमा समुहका प्रत्येक सदस्यहरुलाई व्यक्तिगत सरसफाईका सामाग्रि र आमा समुहलाई स्टेचर वितरण गरिएको छ ।
मानव बिकास तथा सामुदायिक स्वास्थ्य सेवा अन्तर्गत मातृशिशु तथा बाल स्वास्थ्य प्रबद्दन कार्यक्रम अन्तर्गत उक्त सामाग्री वितरण गरिएको मानव बिकास तथा सामुदायिक स्वास्थ्य सेवा अन्तर्गत मातृ शिशु तथा बाल स्वास्थ्य प्रबद्दन कार्यक्रमका सामाजिक परिचालिका कल्पना पुनले जानकारी दिनु भयो । परियोजनाको नियमित कार्यक्रम अन्तर्गत ऊक्त सामाग्रि वितरण गरिएको हो ।
हजार दिने आमा र बच्चाको पोषण अवस्था संगै स्वास्थ्य अवस्था सुधार गर्नुका साथै कुपोषण दर कम गर्नका लागी पोषण सामाग्री वितरण संगै सुनौलो हजार दिनका आमाहरुलाई पोषण सम्बन्धि जानकारी गराईएको सामाजिक परिचालिका पुनले जानकारी दिनुभयो ।
सामुदायिक स्वास्थ्य ईकाई सेवा केन्द्र गैरीनेटामा भएको वितरण कार्यक्रममा स्वास्थ्य सेवा केन्द्र गैरीनेटाका अ हे ब धनकुमारी ओली, अनमी सुजता खड्का, आमा समुह लगायतको ऊपस्थिति रहेको थियो ।
