प्रेसपालिका संवाददाता
निर्वाचन आयोगले मतदान परिचयपत्र हराएको भए नयाँ लिनका लागि सूचना निकालेको छ । परिचयपत्र हराएको भए मतदाता नामावली रहेकै जिल्लाको जिल्ला निर्वाचन कार्यालयमा निवेदन दिन सकिने छ । सम्बन्धित वडाको सिफारिस सहित जिल्ला निर्वाचन कार्यालयमा निवेदन दिएपछि नयाँ परिचयपत्र प्रदान गर्न सकिने आयोगले जनाएको छ ।
परिचयपत्र लिनका लागि जिल्ला निर्वाचन कार्यालयमा यही फागुन २० गते सम्म निवेदन दिनुपर्ने छ । रुकुम पश्चिमको हकमा जिल्ला निर्वाचन कार्यालयमा निवेदन दिनुपर्नेछ । आफ्नो वडाको सिफारिस सहित निवेदन दिन जिल्ला निर्वाचन कार्यालयले पनि अनुरोध गरेको छ ।
