प्रेसपालिका संवाददाता
रुकुम (पश्चिम)को मुसिकोट नगरपालिकामा सिलाई कटाई सम्वन्धी स्तरोन्नति सीप विकास तालिम शुरु भएको छ । नगरपालिकाको आयोजनामा गरिबी निबारणका लागि लघु उद्मम विकास कार्यक्रम अन्तरगत ४५ दिने सिलाई कटाई सम्वन्धी स्तरोन्नति सीप विकास तालिम शुरु भएको हो । यहि माघ १८ गते मंगलबारदेखि मुसिकोट नगरपालिकाको वडा नम्बर १३, डाँडाछिबाङमा तालिम शुरु भएको नगरपालिकाका उद्यम विकास सहजकर्ता रोशन पुनले जानकारी दिनुभयो । उहाँका अनुसार तालिममा यस अघि आधारभूत सिलाई कटाई सम्वन्धि सीप विकास तालिम लिएका १९ जना महिलाहरुको सहभागिता रहेको छ । तालिम आगामी चैत्र ३ गते सम्म सञ्चालन गरिने नगरपालिकाले जनाएको छ । तालिमको सहजीकरण तथा प्रशिक्षण नगरपालिका ३ की सिलाई कटाई सम्वन्धि प्रशिक्षक हिरा दमाईले गर्नु भएको छ । तालिमको ब्यबस्थापन नगरपालिकाका उद्यम विकास सहजकर्ता रोशन पुन र हुकुम बहादुर केसीले गर्नुहुने बताइएको छ ।