प्रेस पालिका संवाददाता
रुकुम पुर्वमा युनाइटेड मिशन टु नेपाल रुकुमपूर्व कलस्टर (युएमएन)ले जिल्ला सहकारी संघ लिमिटेड, रुकुम पूर्वलाई २० हजार थान मास्क हस्तान्तरण गरेको छ । मंगलबार युएमएनले जिल्ला सहकारी संघका अध्यक्ष बसन्तकुमार श्रेष्ठलाई २० हजार थान सर्जिकल मास्क हस्तान्तरण गरेको हो ।
सर्जिकल मास्क जिल्ला स्थित विभिन्न सहकारी संस्थालाई वितरण गर्ने जिल्ला सहकारीका अध्यक्ष श्रेष्ठले बताउनुभयो । आज देखि जिल्लामा रहेका सहकारी संस्थालाई वितरण सुरु गरिएको अध्यक्ष श्रेष्ठले जानकारी दिनुभयो ।
उपलब्ध भएको मास्क वितरणसँगै मास्क बैक स्थापना कार्यक्रम पनि सञ्चालन गरिराखे श्रेष्ठको भनाइ रहेको छ । रुक्मेनी बचत तथा ऋण सहकारी संस्था सिस्ने गाउँपालिका ६ लाई ४ हजार थान, स्वाबलम्बी कृषि सहकारी संस्था सिस्ने ३ लाई एक हजार थान, पाथिभरा कृषि सहकारी सिस्ने २ लाई १ हजार थान, उन्नतशिल कृषि सहकारी संस्था सिस्ने ८ लाई १ हजार थान मास्क हस्तान्तरण गरिएको हो ।
यसैगरी मारिङ बहुउद्देश्यीय सहकारी संस्था भूमेलाई ३ हजार ५ सय थान, चुनबाङ कृषि सहकारी संस्था भूमे ९ लाई एक हजार ५ सय, उत्तरगंगा साना किसान सहकारी संस्था पुथाउत्तरगंगा १२ लाई ३ हजार थान, नारासुगन कृषि सहकारी संस्था पुथाउत्तरगंगा १० लाई २ हजार थान, लोक सांस्कृतिक बचत तथा ऋण सहकारी संस्था उत्तरगंगा ५ लाई १ हजार ५ सय थान मास्क वितरण गरिएको जिल्ला सहकारी संस्थाका अध्यक्ष श्रेष्ठले बताउनुभयो ।।
