कर्णाली प्रदेश सरकारद्धारा सञ्चालित छोरी सुरक्षा खातालाई व्यवस्थित बनाईदै
64x64
२०७८ माघ ०५ बुधबार प्रेसपालिका संवाददाता
124 Views

सम्पादक
२०७८माघ,५
कर्णाली प्रदेश सरकारको आर्थिक सहयोगमा सञ्चालित ‘बैंक खाता छोरीको सुरक्षा जीवन भरीको’ कार्यक्रमको अभिलेख र प्रतिवेदन व्यवस्थित गराइने भएको छ । सरकारले २०७६ सालको साउन १ र त्यसपछि जन्मेका हरेक छोरीको खाता खोलिदिने र सुरुको एक महिना एक हजार त्यसपछिका रहेक महिना पाँच सयका दरले रकम जम्मा गरिदिने गरिएको छ । रुकुम पश्चिमका ६ वटै पालिकामा सञ्चालित यो कार्यक्रम निरन्तर चलिरहे पनि अभिलेख व्यवस्थापन र प्रतिवेदनमा समस्या रहेको भन्दै अब यसको व्यवस्थापन गरिने भएको हो । सामाजिक विकास कार्यालय रुकुम पश्चिमले दुई दिनको तालिम आयोजना गरी यो कार्यक्रमको अभिलेख व्यवस्थापन र प्रतिवेदनलाई व्यवस्थित गर्न लागेको हो ।
मन्त्रालयले सफ्टवर विकास गरेकाले अब हरेक स्थानीय तह र हरेक छोरीको विवरण दुरुस्त रहने सामाजिक विकास कार्यालयका प्रमुख धनन्जय आचार्यले बताउनुभयो ।

सबै स्थानीय तहका सम्बन्धित शाखा कर्मचारीलाई दुई दिने तालिम दिइने र त्यसपछि यो कार्यक्रम अभिलेख व्यवस्थापन र नियमित प्रतिवेदन व्यवस्थित हुने आचार्यको भनाई छ । कर्मचारीलाई सफ्टवर सम्बन्धिको तालिम र अरु व्यवस्था, कार्यविधिका विषयमा सिकाईदै छ ।
नीतिगत र व्यवहारिक रुपमा नै विभेद हटाउने गरी आएको यो कार्यक्रमलाई सबैतिर कार्यान्वयन गर्नुपर्ने र यसबाट सम्बन्धित सबैलाई लाभान्वित गराउनुपर्ने जिल्ला समन्वय समिति उपप्रमुख इन्दिरा विएमले बताउनुभयो।।

Subscribe
Notify of
guest
0 Comments
Inline Feedbacks
View all comments

Flash News