२०७८ पौष,२९
सम्पादक
भर्खरै मात्र सरुवा भई रुकुम पश्चिमको प्रमुख जिल्ला अधिकारीको जिम्मेवारी सम्हाल्नुभएका परमानन्द घिमिरेले जिल्ला स्थित पत्रकार तथा संचारकर्मीहरु संग घेटघाट गर्नुभएको छ ।
आज मिडियाकर्मी तथा गृह प्रशासनको पारस्परिक सम्बन्ध राम्रो हुनुपर्ने भन्दै प्रमुख जिल्ला अधिकारी घिमिरेले पत्रकार भेटघाट तथा परिचयात्मक कार्यक्रम आयोजना गर्नुभएको हो ।
जिल्लामा काम गर्दा सहयोग र समन्वयको अपेक्षा गरेको बताउनु हुँदै प्रजिअ घिमिरेले जिल्लाको शान्ति सुरक्षा अमन चयन कायम गर्ने पक्षमा आफु सँधै अग्रसर रहने बताउनुभएको छ । कार्यक्रममा सहभागी संचारकर्मीहरुले जिल्ला स्थित सरकारी कार्यालयका काम कारबाही, बिकास निर्माण, जिल्लामा देखिएका समस्या लगाएत समग्र जिल्लाको बस्तुस्थितिका बारेमा जानकारी गराएका थिए ।
उनिहरुले विकास निर्माणका अधुरा काम पुरा गर्न तथा समस्या देखिएका ठाउँमा तत्काल समस्या समाधानका लागी पहल गर्न अनुरोध गरेका छन् । गुल्मी घर भएका घिमिरे प्रमुख जिल्ला अधिकारीको रुपमा बुधबार जिल्ला आउनुभएको हो । उहाँले यसअघि पनि रुकुममा काम गरिसक्नुएको छ ।
यस अघि मुसिकोट नगरपालिकामा कार्यकारी अधिकृतको रुपमा काम गरिसक्नुभएका घिमिरे रुकुम आउनुभन्दा पहिले भने घिमिरे गृह मन्त्रालयमा कार्यरत हुनुुन्थ्यो ।।
