भूकम्पपछि झण्डै २३ हजार पशुपन्छीको उपचार
64x64
२०८० पुष २७ शुक्रबार प्रेसपालिका संवाददाता
359 Views

रुकुम पश्चिम २७, पुस ।

जाजरकोट भूकम्प पछि रुकुम पश्चिमका झण्डै २३ हजार पशुपन्छीको उपचार गरिएको छ । प्रभावित क्षेत्र आठबिसकोट र सानीभेरीका विभिन्न वडामा पशु स्वास्थ्य शिविरको आयोजना गरेर २३ हजार पशुपन्छीको उपचार गरिएको हो ।

 

पशु अस्पताल तथा पशु सेवा कार्यालयका अनुसार हालसम्म ६ वटा शिविर सञ्चालन गरेर पशु विज्ञ सहित २० जनाको टोलीले पशुपन्छीको उपचार गरेको छ । जसमध्ये गाइगोरु, भैंसी, भेडा बाख्रा, कुखुरा, हाँस, कुकुर लगायत पशुपन्छीको उपचार गरिएको छ ।

 

उक्त पशु स्वास्थ्य शिविर मार्फत पशु चौपायाका लागि मिनरल मिक्स भिटामिन, एन्टिबायोटिक, जुका विरुद्ध औषधि लगायत ७१ किसिमको औषधि पशु किसानलाई नि:शुल्क उपलब्ध गराइएको छ ।

 

त्यस्तै शिविर सञ्चालनकै क्रममा तीनसय ९१ कुकुरलाई रेबिज विरुद्धको खोप र ८३ वटा पशुको बन्ध्याकरण पनि गरिएको पशु अस्पतालले जनाएको छ ।

 

भूकम्प लगत्तै सञ्चालन गरिएको पशु स्वास्थ्य शिविरबाट हालसम्म प्रभावित क्षेत्र आठबिसकोट र सानीभेरीका नौसय ६७ पशु किसान लाभान्वित भएका छन् । कार्यालयले जिल्लाका बाँकी पालिकामा पनि पशु स्वास्थ्य शिविर सञ्चालन गर्ने कार्यक्रम रहेको बताएको छ ।

 

भूकम्पबाट रुकुम पश्चिममा मात्रै एकहजार २ सय पशु चौपायाको मृत्यु भएको थियो । त्यस्तै नौ सय ६५ गोठ भत्किंदा ३४ करोड पशु धनको क्षति भएको पशु अस्पतालको भनाइ छ ।

Subscribe
Notify of
guest
0 Comments
Inline Feedbacks
View all comments

Flash News