रुकुम पश्चिम १८, फागुन ।
रुकुम पश्चिमको मुसिकोट नगरपालिकाको बराहटाकुरामा फागुन २६ गते देखि चैत ७ गते सम्म सञ्चालन हुन लागेको रुकुम कृषि, पर्यटन, व्यापार तथा साँस्कृतिक महोत्सवमा विविध साँस्कृतिक कार्यक्रम सहित नृत्य आइडल पनि हुने भएको छ । स्थानीय कलाकारलाई प्रवर्द्धन एवम प्रोत्साहन गर्ने उदेश्यले महोत्सवमा नृत्य आइडल संचालन गर्न लागिएको हो ।
महोत्सवमा नृत्य आइडलको आयोजना गरिएको र आईडलमा सहभागि प्रतियोगिलाई नगद सहित मेडल र प्रमाण पत्रको व्यवस्था गरिएको महोत्सव संयोजक डिल्ली परियारले जानकारी दिनुभयो । नृत्य आइडलमा प्रथम हुनेले १५ हजार पुरस्कार पाउने छ । दोस्रोले १० हजार र तेस्रो हुनेले ५ हजार सहित मेडल र प्रमाण पत्र प्राप्त गर्नेे परियारले बताउनुभयो । साथै आइडलमा सहभागी सबैलाई मेडल र प्रमाण–पत्रको व्यवस्था गरिएको छ । आइडलमा भाग लिन दर्ता शुल्क भने लाग्ने छैन ।
महोत्सवमा हरेक दिन लाइभ दोहोरी सङ्गै राष्ट्रिय एवम स्थानीय कलाकारहरुको प्रस्तुति रहने छ ।
