भदौ २३, रुकुम पश्चिम ।
आगामी मंसिर ४ गते हुने संघ तथा प्रदेश निर्वाचनका लागि नेकपा माओवादी केन्द्र रुकुम पश्चिमले आज उम्मेदवार सिफारिस गरेको छ । मुसिकोट खलंगाको सेरीगाउँमा रहेको शहिद स्मृति प्रतिस्ठानमा बसेको माओवदी केन्द्रको बैठकले सर्वसम्मत संघ र प्रदेश उम्मेदवार सिफारिस गरेको हो ।
बैठकले प्रतिनिधि सभाका लागि जनार्दन शर्मालाई सर्वसम्मत चयन गरेको छ । प्रदेश सभा सदस्य तर्फ निर्वाचन क्षेत्र १ का लागि महेन्द्र केसी पारसमणी र निर्वाचन क्षेत्र २ का लागि राजकुमार शर्मालाई चयन गरिएको माओवादी केन्द्रले बताएको छ ।
त्यस्तै अहिले बैठक बसिरहेकाले समानुपातिक तर्फका उम्म्दवार छनौटका विषयमा छलफल भईरहको पार्टी संयोजक गोविन्द रोकाले जानकारी दिनुभएको छ ।
