रुकुम पश्चिम मुसिकोट नगरपालिका १ मा रहेको त्रिभुवन जनता माध्यमिक विद्यालयमा १२ बुँदे माग राख्दै ज्ञापनपत्र बुझाईएको छ । सोही विद्यालयकै अनेरास्ववियू क्रान्तिकारी इकाई समितिले सोमबार विद्यालयका प्रधानाध्यापक हरिप्रसाद खनाललाई १२ बुँदे माग सहितको ज्ञापनपत्र बुझाएको थियो । विद्यालयका विभिन्न कार्यहरुमा अनियमितता भएको भनि सुधारको माग सहितको ज्ञापनपत्र बुझाईको बताएको छ । विद्यार्थीबाट मासिक शुल्क अन्य शुल्क लिने गरेकोले पारदर्शिता रगैरकानूनी शुल्क फिर्ता गर्न माग गरिएको छ भने विद्यालय हाताभित्र हुने शैक्षिक व्यापार ट्युसन, कोचिङ सेन्टर बन्द गरेर निशुल्क कोचिङको व्यवस्था गर्न माग गरिएको छ ।
ज्ञापनपत्रमा विद्यालयका भौतिक संरचनाहरुको गुणस्तरियता नभएको, गैरकानूनी कर्मचारी भर्ना गर्ने गरिएको, बार्षिक कार्यतालिका अनुसारका शैक्षिक क्रियापकलाप नहुने गरेको, पुस्तकालयको उचित व्यवस्थापन नभएको, छात्रबृति वितरण निश्पक्ष नभएको, विद्यालयमा सुरक्षित घेरावार नभएको लगाएका समस्याहरु समाधानका लागि माग गरिएको छ । कक्षा ११ र १२ का शिक्षकहरुले हाजिरी बिनै एकमुष्ठ भत्ता लिने गरेको, विद्यालय समयमा पनि अन्यत्र पढाएर दोहोरो सुविधा लिने गरेको, डिप्लोमा इन सिभिल ओभरसियरको कार्यक्रमको अनुदान दुरुपयोग हुने गरेको, विद्यालयको आयव्यस सार्वजनिक नगरिएकोले तत्काल सुधार गर्न माग गरिएको छ ।
