रुकुम पूर्वमा अखिल नेपाल राष्ट्रिय स्वतन्त्र विद्यार्थी युनियन (क्रान्तिकारी) जिल्ला समन्वय समिति रुकुम पूर्वले चौथो पूर्ण बैठकको अवसर पारि आज विद्यार्थीसंग अखिल क्रान्तिकारी अभियान उद्घाटन गरेको छ । संसारका वामपन्थी प्रगतिशील देशभक्त लोकतान्त्रिक एकजुट हौ । भन्ने मुल नाराका साथ भूमे गाउँपालिकाको केन्द्र खावाङवगरमा बसेको बैठकले उक्त अभियानको उद्घाटन गरेको हो । आज भएको उद्घाटनले जिल्लामा रहेका प्रत्येक बिद्यालयमा पुगेर बिद्यार्थी र अखिल क्रान्तिकारीको दुरि नजिक बनाई शैक्षिक सुधारका लागि बिभन्न कार्यक्रमहरु गरिने बताइएको छ । यस अभियानमा जिल्लाका लागि कार्यबिभाजन बाडफाड गरिएको छ ।
अखिल क्रान्तिकारीका केन्द्रीय सदस्य तथा रुकुम पूर्वका जिल्ला अध्यक्ष रेवन खड्काको अध्यक्षतामा बसेको थियो । नेकपा माओवादी केन्द्रका केन्द्रीय सदस्य तथा जिल्ला इन्चार्ज तेजबहादुर ओली (प्रतीक) को प्रमुख आतिथ्यता रहेकाे थियो । नेकपा माओवादी केन्द्रका बैकल्पिक केन्द्रीय सदस्य तथा जिल्ला समन्वय समिती प्रमुख मेघबहादुर श्रेष्ठ (महेश) र नेकपा माओवादी केन्द्र लुम्बिनी प्रदेश सचिवालय सदस्य तथा जिल्ला संयोजक होमप्रकाश श्रेष्ठको बिषेस आतित्थ्थता रहेको थियो । त्यस्तै बैठकमा भूमे गाउँकमिटीका अध्यक्ष रुपधन कामी (अंकित) जिल्लाका फ्याक्सन इन्चार्ज जीवन केसी, केन्द्रीय सदस्य बेदना बुढामगर, लुम्बिनी प्रदेश कमिटी उपाध्यक्ष रुपेन्द्र मल्ल र दाङ जिल्लाका सचिवालय सदस्य सुनिल बुढामगर, भूमे २ नम्बर वडा कमिटीका अध्यक्ष नारायण पुन लगाएको उपस्थिति रहेको थियो ।
बैठकमा अखिल क्रान्तिकारि जिल्ला कमिटीका सचिव चन्द्र रसाइलीले कार्यक्रम सञ्चालनकै क्रममा लुम्बिनी प्रदेशको सर्कुलर बाचन गर्नुभएको थियो । बैठकमा जिल्लाका ३ गाउँपालिकाबाट एक एक जनाले रिपोर्टिङ गरेका थिए । जस अन्तर्गत सिस्ने गाउँपालिकाबाट लुम्बिनी प्रदेश कमिटी सदस्य प्रेमबहादुर खत्री, भूमे गाउँपालिकाबाट भूमे गाउँकमिटि सदस्य आस्था बिक र पुथाउत्तरंगा गाउँपालिकाबाट जिल्ला कमिटी सदस्य बिमल बिकले रिपोर्टिङ गर्नुभएको छ । आजको बैठकमा उपस्थित अतिथिहरुले प्रसिक्षणमूलम मन्तव्य राखेका थिए । बिषेस गरि बैठकमा आगामि कार्ययोजना, संगठनात्मक कार्य, संघर्षका कार्यक्रम र रचनात्मक कार्यक्रमहरुको बिषयमा छलफल गरिएको थियो ।