रुकुम पश्चिममा राजनितिकदलहरुले निर्वाचन आचारसंहिता उल्लंघन गरेको गुनासो बढे पछि मुख्य निर्वाचन अधिकृतको कार्यालयले राजनितिकदलहरुसंग छलफल गरेको छ । चुनाव प्रचारको नाममा आचारसंहिता उल्लंघनका घटना बढ्दै गए पछि आज बिभिन्न राजनितिकदलहरु संग छलफल भएको हो ।
जिल्लामा स्थानीयतहको निर्वाचनमा भाग लिएका दलहरुले आचारसंहिता विपरित कार्य गर्दै आएका छन् । चुनाव चिन्ह अंकित पोशाक लगाउने, बिभिन्न ठाउँमा हुलदंगा गर्ने, कार्यकर्ताहरु एक ठाउँमा जम्मा भएर मदिरा सेवन गर्ने लगायत क्रियाकलाप गर्ने गरेको पाइए पछि आईतबार आचारसंहिताका विषयमा छलफल भएको हो ।
फलफल पछि दलहरुले निर्वाचन चिन्ह अंकित कुनै पनि सामाग्रि प्रयोग नगर्ने प्रतिबद्धता जाहेर गरेका थिए । निर्वाचन भय रहित बनाउन राजनितिकदहरुको ठुलो भुमिका रहने भन्दै मुख्य निर्वाचन अधिकृत बिद्याराज पौडेले निर्वाचन आचारसंहिताको पालना गर्न आग्रह गर्नुभयो । त्यस्तै सवारी साधनको प्रयोग पनि आचारसंहिता विपरित भएको भन्दै सवारी संचालनको लागि अनुमति लिन आग्रह गर्नुभएको छ ।
पालिका अध्यक्ष तथा प्रमुखले एउटा चार पाङ्ग्रे सवारी साधन एक वटा, वडा अध्यक्षले दुई पाङ्ग्रे सवारी एक वटा मात्रै प्रयोग गर्न पाउने छ । ति सवारी साधन प्रयोग गर्दा अनुमति लिनु पर्ने छ । त्यस्तै सवारी साधनमा झण्डा तथा चुनाव चिन्हको प्रयोग भैरहेको पाईएकोले त्यो पनि नगर्न राजनितिकदलहरुलाई आग्रह गरिएको छ ।।
