नेकपा एमाले निकट युवाहरुको संगठन राष्ट्रिय युवा संघ नेपालको चौरजहारी नगर भेला तथा प्रशिक्षण कार्यक्रम सम्पन्न भएको छ ।चौरजहारी नगरपालिका ११ खोलागाउ चौफामा भेला सम्पन्न भएको हो ।
भेलाले नेत्र केसीको अध्यक्षतामा ६९ सदस्यीय राष्ट्रिय युवा संघ नेपाल चौरजहारी नगरकमिटी गठन गरेको छ। जसको उपाध्यक्षमा प्रकाश खड्का,सचिव लोकेन्द्र बिक,उपसचिव मुक्ति प्रसाद अधिकारी र सञ्जय खड्का चयन हुनुभयको छ ।
भेलामा नेकपा एमाले कर्णाली प्रदेश कमिटी सदस्य टंक प्रसाद ओलीको प्रमुख आतिथ्यता रहेको थियो । त्यस्तै नेकपा एमाले रुकुम पश्चिमका सचिवालय सदस्य जिल्ला कमिटी सदस्य नगर कमिटी लगायत नेकपा एमालेका जिम्मेवारी ब्यक्तिहरुको उपस्थिति रहेको प्रेस चौतारी नेपाल कर्णालि प्रदेश सदस्य ओम प्रकाश आचार्यले जानकारी दिनुभयो ।