दिपा ओलि
अखिल नेपाल महिला संघ (क्रान्तिकारी) मुसिकोट नगरपालिका ८ रुकुम पश्चिमको वडा भेला सम्पन्न भएको छ । पार्टी प्रदेस समिति सदस्य प्रेम कुमारी सुनार के सि को प्रमुख आतिथ्यतामा भेला सम्पन्न भएको हो । भेलाले रिता कुवर (गिरी) को अध्यक्षतामा ४१ सदस्यिय अखिल नेपाल महिला संघ (क्रान्तिकारी) मुसिकोट ८ न.वडा समिति गठन गरेको छ । जसको उपाध्यक्षमा दिपा बुढा,सचिव,पुजा खड्का,सह–सचिव कल्पना गिरी र कोषाध्यक्षमा गंगा पाण्डेलाई चयन गरेको छ ।
भेलामा नेपाल कम्युनिष्ट पार्टी माओवादी केन्द्र मुसिकोट नगर उपाध्यक्ष बुद्धि प्रसाद बुढा,पार्टी वडा अध्यक्ष बालकृष्ण रावल,उपाध्यक्ष जय बहादुर पुन लगाएतका नेताहरुको उपस्थिति रहेको थियो । कल्पना थापाको अध्यक्षतामा भेला सम्पन्न भएको हो । नन्द कुमारी कामिको स्वागत मन्त्तव्य रहेको भेलाको सञ्चालन रिता कुवर गिरीले गर्नुभएको थियो