प्रेसपालिका संवाददाता
नेपाल कम्युनिष्ट पार्टी (माओवादी केन्द्र) वडा समिति त्रिवेणि गाँउपालिका १० रुकुम पश्चिमको तेस्रो बिस्तारित बैठक तथा पार्टी प्रशिक्षण कार्यक्रम सम्पन्न भएको छ । पार्टीका वडा समिति अध्यक्ष शेरमान खडका को अध्यक्षतामा सम्पन्न भएको बैठकले बिभिन्न टोल समिति तथा जनबर्गिय संगठनहरुको बैठक तथा भेला सम्पन्न गर्ने निर्णय गरेको छ । जस अनुसार टोट्के–सालाघारी टोलसमितिको बैठक फाल्गुण ३ गते,बरानेटी–सानचौर टोल समितिको फाल्गुण ४ गते र जिउला टोल समितिको बैठक फाल्गुण ८ गते सम्पन्न गर्ने निर्णय गरेको छ ।
त्यस्तै जनबर्गिय संगठन अन्र्तगत शिक्षक संगठन अखिल क्रान्तिकारीको फाल्गुण ८ गते,अखिल नेपाल महिला संगठन क्रान्तिकारीको फाल्गुण १० गते,योङ्ग कम्युनिष्ट लिग नेपालको १३ गते,दलित मुक्ति मोर्चा नेपाल र मगर राष्टिय मुक्ति मोर्चाको फाल्गुण १४ गते र किसान संगठनको फाल्गुण १६ गते बैठक तथा भेला सम्पन्न गर्ने निर्णय गरेको छ ।
बैठकमा केन्द्रिय सल्लाहकार परिषद सदस्य मीन बहादुर ओलि होसियार को प्रमुख आतिथ्यता तथा १० नम्बर वडा इन्चार्ज सेर बहादुर खड्का को बिषेश आतिथ्यता रहेको बत्ताएको छ । बैठकको सञ्चालन पार्टी सचिव शेर बहादुर ओलिले गर्नुभएको थियो ।