’संवाददाता :
नेपाल कम्युनिष्ट पार्टी माओवादी केन्द्र को मुसीकोट नगरपालिका वडा नम्बर १४ लोरिवाङमा भेला सम्पन्न भएको छ । माओवादी केन्द्रले जिल्ला भरमा पार्टी गतिविधिलाई बढाएको छ । जसअन्तरगत आज लोरिवाङ टोलमा प्रशिक्षण संचालन भएको माओवादी केन्द्र मुसीकोटले जनाएको छ ।
पार्टीका अनुसार उक्त कार्यक्रम मा नेपालि काग्रेस परित्याग गरि ४ जना माओवादी केन्द्रमा प्रवेश गरेका छन् । शशिला बिष्ट, रिता ओली, पदम ओली र भद्रबिर ओली नेपाली माओवादी केन्द्रमा प्रवेश गरेको बताईएको छ । उहाँहरुलाई पार्टीका केन्द्रीय प्रचार विभाग सदस्य तथा कर्णाली प्रदेश समिति सदस्य गोविन्द रोका सचिनले पार्टी प्रवेश गराउनुभएको हो ।
प्रशिक्षण भेलामा नेकपा माओवादी केन्द्रका प्रदेश समिति सदस्य मिलन खड्का, नगर समिति सल्लाहकार हर्कबहादुर बिष्ट, नगर समिति सदस्य शुशिल बिष्ट, वडा समिति अध्यक्ष चन्द्रबहादुर बिष्ट र वडा सचिव मोतिराम खड्काको उपस्थिति रहेको थियो ।
१४ नम्बर वडाकै छिवाङखोलामा हिजो प्रशिक्षण संचालन भएको थियो । माओवादी केन्द्रले मुसीकोट नगरपालिकामा वडा, टोल तथा सेल समितिका बैठक, भेला, जनभेटघाट, प्रशिक्षण तथा छलफललाई तिव्रता दिएको छ ।
स्थानीय तहको चुनावको मिति घोषणा नहुँदै पार्टी पंक्तिलाई चलायमान बनाएको माओवादीले चुनावको मिति घोषणा भएपछि त्यसलाई चुनाव केन्द्रित गरेको छ ।।
