नेकपा माओवादी केन्द्रको विस्तारित बैठक सुरु
64x64
२०८० भाद्र ०७ बिहिबार प्रेसपालिका संवाददाता
223 Views

रुकुम पश्चिम ७, भदौ ।
नेपाल कम्युनिष्ट पार्टी माओवादी केन्द्र रुकुम पश्चिम जिल्ला समन्वय समितिको विस्तारित बैठक सुरु भएको छ । मुसिकोट नगरपालिका वडानम्बर -५, स्थित शहिद प्रतिष्ठानको हलमा बैठक सुरु भएको हो ।

`जनतासंग माओवादी विशेष रुपान्तरण अभियान ʼ घर-घरमा माओवादी, जन जनमा माओवादी” भन्ने नाराका साथ जिल्ला समन्वय समितिको बैठक सुरु भएको छ ।

देशव्यापी रुपमा संचालन हुन लागेको पार्टीको तीन महिने विशेष अभियानको कार्ययोजना निर्माणका लागि बैठक बस्न लागेको छ । माओवादीले भदौ १६ गते देखि देशैभर तीन महिने जनतासंग माओवादी विशेष रुपान्तरण अभियान संचालन गर्न लागेको छ ।

आजको विस्तारित बैठकमा यो अभियान जिल्लामा कसरी संचालन गर्ने भन्ने बारेमा कार्ययोजना निर्माण हुने संयोजक गोविन्द रोकाले बताउनुभएको छ ।

बैठकमा पार्टीका वडा कमिटी अध्यक्षदेखि केन्द्रसम्मका सबै नेताहरु, जवस/मोर्चाका जिल्ला अध्यक्षदेखि केन्द्रसम्मका सवै नेताहरु, प्रदेश तथा केन्द्रीय सल्लाहकार र जेष्ठ कम्युनिष्ट मञ्चका सदस्यहरु, पार्टीका पालिका सल्लाहकारहरु, जवसका पालिका अध्यक्षहरु, पूर्व जनमुक्ति सेनाका पालिका समितिदेखि माथिका सबै नेताको सहभागिता रहने छ ।

Subscribe
Notify of
guest
0 Comments
Inline Feedbacks
View all comments

Flash News