निराजन सिर्पाली
रुकुम पूर्व ११, साउन ।
नेकपा (माओवादी केन्द्र) निकट युवा संगठन योङ्ग कम्युनिष्ट लिग (वाइसीएल) का अध्यक्ष सुवोधराज सेर्पालीले गल्ती जसले गर्छ उनीहरु बेलैमा आत्मसमर्पण गर्दा सहि हुने बताउनुभएको छ । सामाजिक सञ्जाल फेसबुकमा एक स्टाटस लेख्दै शेर्पालीले गल्ती गर्नेले बेलैमा आत्मसमर्पण गर्दा सहि हुने नत्र सरकारले कसैलाई पनि नछाड्ने बताउनुभएको हाे ।
उहाँले बुधबार सांसद सुनिल शर्माले दिएको अभिव्यक्ति प्रति कटाक्ष गर्दै शर्माले संचालन गरेको मेडिकल कलेजमा निर्धारित शुल्क भन्दा बढी रकम असुल्ने गरेको बताउनुभएको छ ।
त्यस्तै अध्यक्ष सेर्पालीले शर्माकाे संसदमा अनशन बस्ने अभिव्यक्ति हास्यास्पद भएको बताउनुभएको छ । `उहाँले लेख्नुभएको छ, यो सरकारका हरेक काम जनताद्वारा अनुमोदित छन् । गल्ती नगर्ने कोही नअतालिनु भए हुन्छ । गल्ती जसले गर्छ तिनीहरु बेलैमा आत्मसमर्पण गर्दा सहि हुन्छ । नत्र सरकारले छोड्नेवाला छैन ।´
`सुन तस्कर पक्राउपछि सांसद सुनिल शर्मा जसरी बरालिएका छन् त्यस हिसाबले अहिलेको प्रकरणमा कतै उनी नै पो जोडिएका हुन् कि भन्ने आशंका गर्न नमिल्ला र ? होइन भने राम्रोलाई राम्रो भन्न किन नसकेको माननीय ज्यु ? केका लागि कसको बचाउको लागि चाहिएको राजिनामा? यदि त्यसो होइन भने तपाइ आफुले संचालन गरेको मेडिकल कलेजमा निर्धारित शुल्क भन्दा बढी रकम असुल्ने यता चाहिँ राजिनामाको रोइलो गर्ने ? त्यो पनि संसदमै अनशन रे । लोक हसाउनुको पनि सिमा हुन्छ नि । भन्दै व्यङ्ग्य गर्नुभएको छ ।´
