रुकुम पश्चिम १७, चैत ।
कर्णाली प्रदेशका मुख्यमन्त्री राजकुमार शर्माले दोस्रो पटक विश्वासको मत पाएका छन् । प्रदेशसभाको नवौँ बैठकबाट शर्माले आज विश्वासको मत पाएका हुन् ।
प्रदेशसभा बैठकमा उपस्थित ३९ सांसदमध्ये ३८ जनाले मुख्यमन्त्रीलाई विश्वासको मत दिएका छन् ।विश्वासको मतको विपक्षमा भने १ मत परेको छ । १ सांसद अनुपस्थित भए ।
शर्मालाई नेकपा एमाले, नेकपा माओवादी केन्द्र, राष्ट्रिय प्रजातन्त्र पार्टी र नेकपा एकीकृत समाजवादी केन्द्रका २५ जना सांसदले समर्थन गरेका छन् ।
गत माघ १८ गते राप्रपाले सरकारलाई दिएको समर्थन फिर्ता लिएपछि मुख्यमन्त्री शर्माले आज प्रदेशसभामा पुनः विश्वासको मत लिएका हुन् ।
उनी गत पुस २७ गते कर्णालीको तेस्रो मुख्यमन्त्रीमा नियुक्त भएका थिए ।
