रुकुम पश्चिम २२, भदौ ।
रुकुम पश्चिमको चौरजहारीमा जनसाँस्कृतिक महासंघको प्रथम नगर सम्मेलन हुने भएको छ । जनताको कला, साहित्य र संस्कृति निर्माण तथा उत्पीडन शोषण विरुद्धका लागि नगर सम्मेलन गर्न लागिएको हो ।
नेकपा माओवादी केन्द्र निकट जनसाँस्कृतिक महासंघले यहि भदौ २५ गते चौरजहारीमा रहेको पुर्ण शान्त सहिद स्मृती भवनमा सम्मेलन गरिने बताएको छ ।
महासंघले राजनीतिक, आर्थिक, सामाजिक तथा सांस्कृतिक लगायत अन्य विविध समस्यासँग सम्बन्धित रहेर न्यायपूर्ण सङ्घर्षको पक्षमा आवाज उठाउने गरि सम्मेलन गर्न लागिएको जनाएको छ ।
त्यस्तै जनयुद्ध,जनआन्दोलन लगायतका सबै न्यायपूर्ण सङ्घर्ष मार्फत प्राप्त उपलब्धिको रक्षा गर्ने र सबै खाले दमन, उत्पीडन, शोषण एवं थिचोमिचोको विरुद्ध जनताको कला, साहित्य र संस्कृति निर्माणका सन्दर्भमा सम्मेलन केन्द्रित रहने भएको छ ।
यसैगरी प्रथम नगर सम्मेलन बाट नगर समिति निर्माण तथा चयन हुने आयोजकको भनाइ छ ।
