रुकुम (पश्चिम) को चौरजहारी नगरपालिमा नि:शुल्क आँखा अप्रेशन शिविर सञ्चालन भएकाे हाे । मेडिकल फाउन्डेसन अस्टेलियाको आर्थिक सहयोग र नेपाल नेत्र ज्योति संघ राप्ती आँखा अस्पताल तथा आँखा उपचार केन्द्र सल्लेको प्राविधिक सहयोगमा सञ्चालित भएको थियाे । नि:शुल्क आँखा अप्रेशन शिविरको उद्घाटन शुक्रबार चौरजहारी नगरपालिका नगरप्रमुख पुष्प वादीले गर्नु भएको थियो । असोज २८ र २९ गते शिविरमा मोतिविन्दु भएका १०३ जनाको अप्रेशन गर्नुका साथै १०७ जनालाई चश्मा वितरण गरिएको आँखा उपचार केन्द्र सल्लेका इन्चार्ज धन बहादुर खत्रीले जानकारी दिनुभएको छ ।
अप्रेशन गर्न बिरामीहरूको सहजताका लागि नगरपालिकाका पाँच स्थानमा छनोट शिविर सञ्चालन गरिएको थियो । १४ नं. वडा कार्यालय, १२ नं. स्थित आधारभूत स्वास्थ्य केन्द्र, सहिदस्मृति नगर अस्पताल, कोटजहारी प्राथमिक स्वास्थ्य केन्द्र र चौरजहारी २ स्थित सेवाकेन्द्रमा छनोट शिविर गरिएको हो । छनोटका क्रममा जम्मा ९३० जनाको जाँच गरिएको नगरपालिकाले बताएको छ ।
चौरजहारी नगरपालिकाको आयोजना, ग्लोबल शिविरलाई व्यवस्थित रुपमा सञ्चालन गर्न सहयोग गर्ने सबैप्रति हार्दिक आभारसहित धन्यवाद !
