चौरजहारी नगरपालिकाका एक नवनिर्वाचित वडा अध्यक्षले राज्यबाट आफूले पाउने कुनै पनि सेवा, सुविधा तथा पारिश्रमिक नलिने घोषणा गर्नुभएको छ । नगरपालिका काे १३ नम्बर वडाका नवनिर्वाचित वडा अध्यक्ष श्रीकृष्ण शर्माले यस्तो घोषणा गर्नु भएको हो । पदभार ग्रहण गरे पछिकाे पहिलो निर्णय यस्तो गर्नु भएको हो । उहाले जनप्रतिनिधि जनताको सेवक भएको प्रमाणित गर्न आफूले राज्यबाट पाउने सेवा सुविधा नलिने बताउनु भयो ।
जनताको पक्षमा निस्वार्थ काम गर्नाका लागि आफूले कुनै सुविधा नलिने बताउँदै उहाँले स्थानीय सरकारले हरदम जनताको पक्षमा काम गर्ने प्रतिबद्धता गर्नु भयको हो । समृद्धि र विकास गर्न आफनो एकमात्र ध्येय रहेको भन्दै आफुलाई अत्याधिक मतदिएर जिताउने मतदातालाई धन्यबाद दिदै मतदाताको सपना पुरा गर्ने प्रतिबद्दता गर्नु भयो । त्यस्तै उहाँले असहाय, अशक्त, घाईते, गरिव र शहिद परिवारका ५० जनालाई निशुल्क सिफारिसमा उलब्ध गराउने निर्णय समेत गर्नुभयो ।
शर्मा २०७४ काे पहिलो स्थानिय तहकाे निर्वाचनमा वडा अध्यक्षमा पराजित हुनु भएको थियो । उहाँ अध्यक्षमा पराजित भए पछि पार्टीमा सक्रिय रहेर समाज सेवामा लागि रहनु भयको थियो । फेरि स्थानीय तहको दोस्रो निर्वाचनमा माओवादी केन्द्र बाट वडा अध्यक्षका उमेद्वार भयका शर्मा अत्यधिक मतले विजयी हुनु भयको थियो । उहाँ नेपाल कम्युनिस्ट पार्टी माओवादी केन्द्र चौरजहारी नगर समिति अध्यक्ष समेत रहनु भएको छ।
