रुकुम पश्चिमको चाैरजहारी नगरपालिकामा शीतल क्याम्पस भवन निर्माणकाे काम सुरु भएको छ । ८ कोठाको नयाँ भवनको शिलान्यास गरिएको छ । क्याम्पस सञ्चालक समितिका अध्यक्ष खुमबहादुर खड्काले भवनको शिलान्यास गर्नुभयो । कर्णाली प्रदेश सरकारको ५० लाख  अरू चौरजहारी पालिकाले सहयोग गर्ने गरि भवन निर्माणकाे काम थालिएको अध्यक्ष खड्काले जानकारी दिनुभयो । भवन निर्माण पछि क्याम्पसको पठन पाठन सहज हुने क्याम्पसले बताएको छ । यस अघि १२ कोठाका दुई भवन छन् । एउटा ४ र अर्को ८ कोठाका भवन छनभने अहिले  क्याम्पसमा ५५० बढी विद्यार्थी अध्ययनरत रहेको क्याम्पसले जनाएको छ । चौरजहारी नगरपालिका २, मा रहेको क्याम्पसमा रुकुम पश्चिम सहित अन्य छिमेकी जिल्लाका विद्यार्थी समेत अध्ययन गरिरहेका छन् ।