सम्पादक
२०७८माघ१३
आठविसकोट नगरपालिकामा पशुहरुमा लाग्ने महामारी जन्य रोग पिपिआर नियन्त्रणको लागि पशुहरुमा खोप लगाईने भएको छ । नगरपालिकाले २५ गते देखि नगरपालिकाको बिभिन्न ठाउँमा शिविरको आयोजना गरि भेडा, बाख्रामा पिपिआर बिरुद्धको खोप लगाउने जानकारी दिएको छ । पशु अस्पताल तथा पशु सेवा कार्यालको आर्थिक सहयोग र नगरपालिकाको प्राविधिक सहयोगमा शिबिर सञ्चालन हुने लागेको हो ।।
नगरपालिकाको वडा नं. १४ को लागि पिपलचौर, ज्यामिरेकोट र सवारीमा २५ गते शिबिर बस्ने छ । त्यस्तै वडा न. १३ को गाउँबारी, हल्पा र भल्मुमा २६ गते, वडा न. १२ को स्यानीबार्खु र ठुलीबार्खुमा २७ गते, वडा नं. ११ को गौरी, चौर र चिसापानीमा २८ गते, वडा नं. १० को कोट, भयाउने, झिनचौर र घारीखोलामा २९ गते शिबिरको आयोजना गरिएको छ ।
त्यस्तै वडा नं. ९ को वटलागाउँ, सेवाकेन्द्र र गिजामा फागुन २ गते, वडा नं. ८ को चुर्तीपाखा, दाजे, ठाटी, कुरीपानी र घर्तीगाउँमा ३ गते, वडा नं. ७ को सिम्तारा, साउनेपानी, पाल्त र औली गाउँमा फागुन ४ गते, वडा नं. ६ को छिमि, मन्का र वडा कार्यालयमा फागुन ६ र ७ गते, वडा नं. ५ को रिम्का, थापागाउँ र मोहखोलामा फागुन ९ गते शिबिर बस्ने नगरपालिकोले एक सुचना जारी गर्दै जानकारी दिएको छ ।त्यस्तै वडा नं. ४ को पाटागाउँ, लह र खदीफागुन ८ गते, वडा नं. ३ को स्याला र पहाडामा ११ गते, वडा नं. २ को अनाह र घट्टिखोलामा १२ गते र वडा नं. १ को रोकाजा र वडा कार्यालयमा १३ गते शिबिर आयोजना गरिएको छ ।
