रुकुम पश्चिमको मुसीकोट नगरपालिका वडा नम्बर ६ ले वाल शिक्षा र कक्षा १ का विद्यार्थीहरुका लागि दुध खुवाउने कार्यक्रमको सुरुवात गरेको छ । बाल शिक्षा र कक्षा १ मा अध्यनरत सबै विद्यार्थीहरुलाई दैनिक १ गिलास दुधको व्यवस्था गरिने छ । चालु आर्थिक वर्षको वाल पोषण कार्यक्रम अन्तरगत वडामा रहेका ३ वटा विद्यालयका ६६ जना विद्यार्थीका लागि यो कार्यक्रम संचालनमा आएको हो । यो कार्यक्रमका लागि वडाले १ लाख ४० हजार बजेटको छुट्टयाइएको  हो ।
पोषण स्थितिमा सुधार भए वालवालिकाको सर्वांगिण बृद्धि विकास हुने भएकोले दुधमा जोड दिईएको वडा सदस्य अनिल बुढाले जनकारी दिनुभया। दुध खान पाईने भएपछि विद्यार्थी संख्यामा समेत वृद्धि हुने अपेक्षा गरिएको छ । वडाका समाजकल्याण आधारभूत विद्यालय मेलचौर, जनचेतना आधारभूत विद्यालय कालिमाटी र बालकल्याण मावि झुल्खेतमा यो कार्यक्रम लागु भएको बुढाको भनाइ छ । यो कार्यक्रमबाट विपन्न परिवारका बालबालिकाको पोषण स्थितिमा सुधार आउने अपेक्षा गरिएको बुढाले बताउनुभयो । शुक्रबार समाजकल्याण आधारभूत विद्यालय मेलचौरमा १९ वटा गिलास तथा एउटा भलिबल, एउटा फुटबल र २ वटा पम्प सहितका खेलकुद सामग्रि वितरण गरिएको छ ।