बाँफिकोट गाउँपालिका रुकुम पश्चिमका नेपाली कांग्रेस निकट युवा संगठन नेपाल तरुण दल अध्यक्ष राजु शाहीले बाँफिकोट गाउँपालिकाका प्राविधिकमाथी कुटपिट गरेका छन् । कार्यालय समयमा, कार्यकक्षमै सव इन्जिनियर दिपक शाहमाथी उनले कुटपिट गरेका हुन् ।
गाउँपालिका अध्यक्ष जनकुमार बाँठा मगरकै अघि शाहीले शाहमाथी कुटपिट गरेका थिए । कर्मचारीमाथी कुटपिट गर्ने शाहीलाई इलाका प्रहरी कार्यालय बाँफिकोटले नियन्त्रणमा लिएको छ । प्राविधिकमाथी कुटपिट हुँदा पनि अध्यक्ष बाँठाले कुनै केही नबाेलेकाे भन्दै कर्मचारी आक्रोशित बनेका छन् ।
उनलाई थप कारबाहीका लागि जिल्ला पठाउने तयारी भइरहेको बताइएको छ । आफूमाथी कुटपिट भएपछि पीडित शाहले कारबाहीका लागि निवेदन दिएका छन् ।
