संंस्कृति बोलको गीत बजारमा आउँदै
64x64
२०८० भाद्र १२ मंगलबार प्रेसपालिका संवाददाता
2435 Views

रुकुम पश्चिम १२, भदौ ।
रुकुम पश्चिमको सानीभेरी गाउँपालिका निवासी गीतकार आरसी खड्का र गायक डिल्ली परियारको संयुक्त प्रस्तुति संंस्कृति बोलको गीत बजारमा आउने भएको छ ।  साविक मध्यपश्चिम क्षेत्रको सिङ्गारु भाकामा तयार पारिएको गीत आगामी असोज ५ गते बजारमा आउन लागेको गायक डिल्ली परियारले जानकारी दिनुभएको छ ।

टिपीकल शब्द सहित तयार गरिएको उक्त गीतमा रुकुम पश्चिमको बाँफिकोट गाउँपालिका क्षेत्र तिर बजाईने बाजागाजा समावेश गरिएको छ । भिडियोमा पनि जिल्लाकै प्रख्यात मयुर नाच समावेश गरिएको गायक परियारको भनाइ छ ।

हाल अमेरिकामा रहनुभएका संकलक आरसी खड्काको शब्द रहेको गीतमा कलाकार शान्ती श्री परियार, तिलक परियार र डिल्ली परियारको स्वर रहेको छ ।

अमेरिकामा रहेर पनि आफ्नो रीतिथिती, कला संस्कृतिको संरक्षण गर्नु आफ्नो मुख्य ध्येय रहेकोले संस्कृति गीत तयार पारिएको शब्द संकलक खड्काले बताउनुभएको छ ।

गीतको लय तथा म्युजिक एरेन्ज गायक परियारले गर्नुभएको छ ।

Subscribe
Notify of
guest
0 Comments
Inline Feedbacks
View all comments

Flash News