रुकुम पश्चिम २७, साउन ।
भेरी नदिको बिच टापुमा अड्किएका दुई जनाको उद्धार गरिएको रिएको छ ।
जाजरकोटको भेरी नगरपालिका १३ कुदुका २८ वर्षिय धर्मराज गिरी र नाम नखुलेका एक अर्कालाई नेपाल प्रहरीले उद्धार गरेको हो ।
प्रतक्षदर्शी नवीन बिक्रम साहका अनुसार आईतबार दिउँसो रुकुम पश्चिमको चौरजहारी नगरपालिका १ र जाजरकोटको भेरी नगरपालिका १३ कुदु बिचको भेरी नदिमा दुई जना माछा मार्न गएका थिए ।
अविरल वर्षाको कारण भेरी नदि एक्कासी बढेपछि उनीहरु नदिको बिच भागमा रहेको टापुमा अड्किएका थिए ।
कुदुस्थित अस्थायी प्रहरी चौकीबाट प्रहरी सहायक निरीक्षक देव बहादुर नेपालीको नेतृत्वमा गएको प्रहरी र नेपाली सेनाको टोलीले दुई युवाहरुको उद्धार गरेको थियो । झन्डै डेढ घण्टा उनीहरु भेरी नदिको बिच भागमा अड्किएका थिए ।
