२४ जेठ बिहीबार,
रुकुम पश्चिममा भिरबाट लडेर एक जना शिक्षकको मृत्यु भएको छ । जिल्लाको त्रिवेणी गाँउपालिका १० पेउघा निवासी शिक्षक भद्र बहादुर खड्काको बुधबार भिरबाट लडेर मृत्यु भएको हो ।
बिद्यालयबाट घर फर्किदै गर्दा घर नजिकैको भिरबाट लडेर करिब चार सय मिटर तल खसेर गम्भिर घाईते हुनुभएका खड्का लाई उपचारको लागि जिल्ला अस्पताल ल्याईएको बेला चिकितसकले मृत घोषणा गरेको त्रिवेणी गाँउपालिका वडा नम्बर १० का वडा अध्यक्ष शेरमान खड्काले जानकारी दिनुभयो ।
हाल खड्का बालकल्याण मावि टोड्केमा प्रावि स्थायी शिक्षक पदमा कार्यरत हुनुहुन्थ्यो ।
