कर्णाली प्रदेश सरकारको भूमि व्यवस्था तथा कृषि सहकारी मन्त्रालयको तीन करोड बजेटमा सो भवन निर्माणको काम चलिरहेको छ । भवन निर्माणको काम आगामी असार मसान्त भित्रै सम्पन्न गर्ने लक्ष्य राखिएको छ ।

निर्माणको काम सम्पन्न हुनासाथ कार्यालयको सेवाप्रवाहमा सहजता हुने बताइएको छ । अहिलेसम्म जिल्लामा कृषि विकास कार्यालयको आफ्नै भवन नहुँदा लामो समय देखि सेवाप्रवाहमा समस्या हुँदै आएको छ ।

कृषि विकास कार्यालयले हाल शिक्षा विकास तथा समन्वय इकाई कार्यालयको भवनबाट सेवाप्रवाहको काम सञ्चालन गर्दै आएको छ ।