रुकुम पूर्व १२, बैशाख ।
रुकुम पूर्वमा मंगलबार मानसिक स्वास्थ्य पैरवी संजाल गठन गरिएको छ । उपेन्द्रलाल कामीको संयोजकत्वमा नेपाल जनजागरण मञ्चको सदस्य सचिव रहने गरी ९ सदस्यीय मानसिक स्वास्थ्य पैरवी संजाल गठन गरिएको हो ।
नेपाल जनजागरण मञ्चको पहल तथा रुकुम पूर्व स्थित सरोकारवाला निकायको सहभागितामा संजाल गठन गरिएको हो । मानसिक स्वास्थ्य सवाललाई समुदाय तथा जिल्ला तहमा प्रवाह तथा पैरवी गर्ने उद्देश्यले संजाल गठन गरिएको नेपाल जनजागरण मञ्चका अध्यक्ष टेक बहादुर कुसारीले जानकारी दिनुभयो । उहाँका अनुसार ओझेलमा परेको सेवालाई नीतिगत र व्यवहारीक रुपमा पैरवी गर्न संस्थाले संजाल गठन गरेको बताइएको छ ।
नेपाल जनजागरण मन्चले रुकुम पूर्व र पश्चिममा मानसिक स्वास्थ्य सम्बन्धी विगत १६ बर्षदेखी काम गर्दै आएको छ । रुकुम पश्चिममा भने यस अगाडी नै संजाल गठन भैसकेको छ ।
रुकुम पुर्वकाे हाेटेल विएलवीमा भएकाे कार्यक्रममा
गैरसरकारी संघ, पत्रकार, नागरिक समाज, लाभग्राही शिक्षक लगायत २५ जनाको सहभागिता रहेको थियो । संजालले जिल्ला तथा पालिका तहमा पैरवी गर्ने छ ।
