रुकुम पश्चिम २६, चैत ।
रुकुम पश्चिमको इलाका प्रहरी कार्यालय आठबिसकोटले सोमबार चार रोपनी जमिनमा लगाएको अबैध अफिम नष्ट गरेको छ ।
प्रहरी नायब निरीक्षक दिपक केसीको कामाण्डमा गएको ७ जनाको प्रहरी टोलीले वडानम्बर -७, स्यालाकोट र डाँफेमा अबैध रुपमा लगाइएको अफिम खेती नष्ट गरेको हो ।
यस अघि चैत ५ देखि ८ गतेसम्म इलाका प्रहरी कार्यालय आठबिसकोट र अस्थायी प्रहरी पोष्ट स्यालाखदी बाट खटिएको प्रहरीले वडानम्बर १, २ र ३ मा अन्दाजी ६५ रोपनी जमिनमा लगाएको अबैध अफिम खेती फडानी गरि नष्ट गरेको थियो ।
