रुकुम पश्चिमका दुई हजार बढी भूमिहीनलाई निस्सा प्रदान
64x64
२०८० चैत्र ०५ सोमबार प्रेसपालिका संवाददाता
922 Views

रुकुम पश्चिम ५, चैत ।

रुकुम पश्चिमको राष्ट्रिय भूमि आयोगले दुई वर्षको अवधिमा दुई हजार बढी भूमि हीनलाई निस्सा वितरण गरेको छ । जिल्लाका दुई हजार एकसय ६७ जना भूमिहीन दलित, सुकुम्बासी र अव्यवस्थित बसोबासीलाई निस्सा वितरण गरेको हो ।

 

 

राष्ट्रिय भूमि आयोगका जिल्ला संयोजक मीन बहादुर ओलीका अनुसार मुसिकोट नगरपालिका बाहेक पाँच वटा पालिकाका भूमिहीनलाई निस्सा प्रदान गरिएको छ । जसमध्ये ३४ जना भूमिहीन सुकुम्बासी, ९३ जना भूमिहीन दलित र दुईहजार ४० जना अव्यवस्थित बसोबासीलाई निस्सा प्रदान गरिएको छ । निस्सा प्राप्त गर्ने भूमिहीनमा सबैभन्दा बढी आठविसकोट नगरपालिकाका रहेका छन् ।

 

 

मुसिकोट नगरपालिकाका ५३ जना भूमिहीनको भने लागत संकलन गरि सकिएको छ । निस्सा वितरणको प्रक्रिया चालू वर्षमै गरिने बताइएको छ ।

 

 

त्यस्तै राष्ट्रिय भूमी आयोगले हाल वडा स्तरबाट भूमिहीन दलित र सुकुम्बासीलाई उपलब्ध गराइने जग्गाको छनोट र प्रतिवेदन निर्माण गर्ने काम भैरहेको बताएको छ ।

 

Subscribe
Notify of
guest
0 Comments
Inline Feedbacks
View all comments

Flash News