रुकुम पूर्व १२, फागुन ।
रुकुम पुर्वको सिस्ने गाउँपालिकामा मानसिक स्वास्थ्य सम्बन्धी पैरवी बैठक सम्पन्न भएको छ । नेपाल जनजागरण मञ्चको आयोजना र यु एम एनको सहयोगमा बैठक सम्पन्न भएको हो ।
मानसिक स्वास्थ्य सेवा विस्तार प्रबद्दन र प्रभावकारी वनाउन पैरवी बैठक गरिएको नेपाल जनजागरण मञ्चका अध्यक्ष टेक बहादुर कुसारीले जानकारी दिनुभयो ।
बैठकमा जिल्लामा मानसिक स्वास्थ्यको अवस्था, पहिचान भएका विरामीको उपचार पद्धति वा पहुँच वृद्धि, औषधीको व्यवस्थापन लगायतको विषयमा छलफल भएको अध्यक्ष कुसारीले जानकारी दिनुभयो ।
साथै जिल्ला अस्पताल रुकुम पुर्वमा मानसिक स्वास्थ्य हेर्न मेडीकल अधिकृतलाई फोकल पर्सन तोक्ने र जिल्लामा रहेको जनशक्तिलाई परिचालन गर्ने जिल्ला अस्पताल रुकुम पुर्वले प्रतिबद्धता समेत जनाएको छ ।नेपाल जनजागरण मञ्चले २ वटा पालिकामा परियोजना संचालन पश्चात ४९२ जना मानसिक स्वास्थ समस्या भएका विरामीको संख्या रेहेको रेकर्डमा रहेको छ ।
संस्थाका कार्यक्रम व्यवस्थापक रण वहादुर परियार को संचालन रहेको बैठकको को पि सी मोहन खड्काले प्रस्तुतीकरण गर्नुभएको थियो ।
संस्थाका अध्यक्ष टेक बहादुर कुसारीको अध्यक्षतामा भएको बैठकमा जिल्ला समन्वय समिति रुकुम पुर्वका प्रमुख मेघ बहादुर श्रेष्ठको प्रमुख आतिथ्यता रहेको थियो । त्यस्तै भुमे गाऊपालिका अध्यक्ष होम बहादुर श्रेष्ठ , सिस्ने गाऊपालिका अध्यक्ष कृष्ण रेग्मी ,जिल्ला अस्पताल प्रमुख सरकारी तथा गैर सरकारी निकायका प्रमुख हरुको सहभागिता रहेको थियो ।
