रुकुम पश्चिम ७, मङ्सिर ।
रुकुम पश्चिमको चौरजहारी नगरपालिका वडा नम्वर ७ का वडाअध्यक्ष भिमप्रसाद जैसीले भूकम्प पीडितहरुको सहयोगका लागि व्यक्तिगत रूपमा एक लाख रुपैया सहयोग गर्नुभएको छ ।
नगरपालिकाका निमित्त प्रमुख प्रशासकीय अधिकृत शेरप्रसाद ढकालका अनुसार वडाअध्यक्ष जैसीले चौरजहारी नगरपालिका प्रकोप व्यवस्थापन कोषको खातामा एक लाख रकम जम्मा गर्नुभएको हो ।
भूकम्पमा परी घरवार विहिनहरुको घर पुनर्निर्माण र राहतका लागि थोरै भएपनि सहयोग पुगोस भनेर सकेको सहयोग गरेको वडाअध्यक्ष जैसीले वताउनुभयो ।
