रुकुम पश्चिम १६, कात्तिक ।
रुकुम पश्चिमका स्थानीय तहमा कार्यरत कृषि र पशु सेवा प्राविधिकहरुको लागि पकेट, बल्क विकास कार्यक्रम कार्यान्वयन सम्बन्धी अभिमुखीकरण कार्यक्रम सम्पन्न भएको छ । प्रधानमन्त्री कृषि आधुनिकीकरण परियोजना परियोजना कार्यान्वयन एकाई सल्यान, रुकुम पश्चिमको आयोजनामा कार्यक्रम सम्पन्न भएको हो ।
अभिमुखीकरण कार्यक्रममा गत आर्थिक बर्ष २०७९/०८० को पकेट बल्क कार्यक्रमको समिक्षा तथा आर्थिक बर्ष ८०/०८१ को कार्यक्रमको बारेमा छलफल भएको प्रधानमन्त्री कृषि आधुनिकीकरण परियोजना परियोजना कार्यान्वयन एकाई सल्यान , रुकुम पश्चिमका कार्यालय प्रमुख श्रीकृष्ण न्यौपानेले जानकारी दिनुभएको छ । त्यस्तै जिल्लामा सञ्चालित पकेट बल्क कार्यक्रमको कार्यान्वयनको अवस्थाको बारेमा पनि कार्यक्रममा छलफल भएको छ ।
साथै कार्यक्रममा जिल्लामा पशु तथा कृषि क्षेत्रको अवस्थाका बारेमा पनि छलफल भएको बताइएको छ । शमशितोष्ण बिउ उत्पादन केन्द्र चापा रुकुम पश्चिमको हलमा सम्पन्न कार्यक्रममा जिल्ला स्थित सबै पालिकाका पशु तथा कृषि शाखा प्रमुखहरुको उपस्थिति रहेको थियो ।
प्रधानमन्त्री कृषि आधुनिकीकरण परियोजना परियोजना कार्यान्वयन एकाई सल्यान-रुकुम पश्चिमका नायब प्राविधिक सहायक बिनोद ओलीको सञ्चालन रहेको अभिमुखीकरण कार्यक्रममा जिल्ला समन्वय उप-प्रमुख देब बहादुर बिकको प्रमुख आतिथ्यता रहेको थियो ।
